Narkotik vasitələrin insanların həyat və sağlamlığına zərərləri barədə sosial çarx hazırlanıb

Bakı, 15 fevral, AZƏRTAC

Daxili İşlər Nazirliyinin (DİN) Baş Narkotiklərlə Mübarizə İdarəsi və mətbuat xidməti narkotik vasitələrin insanların həyat və sağlamlığına zərərlərinə dair yeni sosial çarx hazırlayıb.

DİN-in mətbuat xidmətindən AZƏRTAC-a bildiriblər ki, videoçarxda narkomaniyanın müasir dünyanı narahat edən əsas problemlərdən biri olduğu diqqətə çatdırılıb. Bildirilib ki, bu bəlaya düçar olan şəxslərin həyatları əksər hallarda faciə ilə başa çatır. Bu səbəbdən hər bir ölkə narkomaniyanın qarşısının alınması üçün çox ciddi profilaktik tədbirlər görməli, lazımi izahat işi aparmalı, narkomaniyanın cəmiyyət üçün nə qədər təhlükəli olduğunu nümayiş etdirməlidir.