Narkotik vasitələrin təsiri altında avtomobil idarə edən şəxs saxlanıb

Bakı, 18 yanvar, AZƏRTAC

Yevlax rayon sakini Asim Məmmədovun idarə etdiyi “VAZ-2103” markalı avtomobil Baş Dövlət Yol Polisi İdarəsi əməkdaşlarının keçirdikləri tədbirlərlə Kürdəmir rayonu ərazisində yerləşən postda nəzarət-yoxlama qaydasında saxlanılıb.

Daxili İşlər Nazirliyinin mətbuat xidmətindən AZƏRTAC-a bildiriblər ki, polis əməkdaşları sürücünün narkotik vasitə qəbul etdiyini müəyyənləşdiriblər. O, polis əməkdaşlarına tabesizlik göstərdiyindən barəsində İnzibati Xətalar Məcəlləsinin 333.1-ci maddəsi ilə protokol tərtib olunub.

Kürdəmir Rayon Məhkəməsinin qərarı ilə A.Məmmədov on ay müddətinə sürücülük hüququndan məhrum edilib.

Bu istiqamətdə tədbirlər davam etdirilir.