REGİONLAR


Naxçıvan Dövlət Universitetinin tələbələri muxtar respublikanın Ədliyyə Nazirliyinin fəaliyyəti ilə tanış olublar

Naxçıvan, 2 noyabr, AZƏRTAC

Naxçıvan Muxtar Respublikası Ali Məclisi Sədrinin 2015-ci il 27 iyul tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” Sərəncamına uyğun olaraq, Naxçıvan Dövlət Universitetinin (NDU) sosial idarəetmə və hüquq fakültəsinin hüquqşünaslıq, dövlət və bələdiyyə idarəetməsi ixtisaslarında təhsil alan tələbələr Naxçıvan Muxtar Respublikası Ədliyyə Nazirliyində olub, nazirliyin fəaliyyət istiqamətləri, xidməti sahələri ilə maraqlanıblar.

AZƏRTAC-ın Naxçıvan bürosu xəbər verir ki, təcrübənin sonunda tələbələrlə keçirilən görüşdə ədliyyə naziri, II dərəcəli dövlət ədliyyə müşaviri Suliddin Əliyev çıxış edərək sərəncamdan irəli gələn vəzifələrin icrası məqsədilə nazirliyin hər il öz iş planına uyğun olaraq tələbələrlə görüşlər keçirdiyini bildirib.

Vurğulanıb ki, iki gün ərzində tələbələr Penitensiar Xidmətdə, Məhkəmə Ekspertizası Mərkəzində, İcra və Probasiya şöbəsində, Qanunvericilik bölməsində, Bələdiyyələrlə iş mərkəzində, Naxçıvan şəhər icra və probasiya şöbəsində, Naxçıvan Şəhər Bələdiyyəsində bu qurumların fəaliyyətləri ilə yaxından tanış olublar. NDU ilə Naxçıvan Muxtar Respublikası Ədliyyə Nazirliyi arasında qarşılıqlı əməkdaşlığı yüksək qiymətləndirən Suliddin Əliyev bu istiqamətdə fəaliyyətin bundan sonra da uğurla davam etdiriləcəyini diqqətə çatdırıb.

Tədbirdə Naxçıvan Muxtar Respublikası Ədliyyə Nazirliyinin Təşkilat-nəzarət şöbəsinin rəisi, ədliyyə müşaviri Səttar Zamanov, Məhkəmə Ekspertizası Mərkəzinin rəis müavini, ədliyyə müşaviri Elman Abbasov və Penitensiar Xidmətin Təşkilat-nəzarət şöbəsinin rəisi, ədliyyə polkovnik-leytenantı Əli Rəhimov çıxış edərək, keçirilən təcrübənin əhəmiyyətindən danışıblar. Vurğulanıb ki, bu əməkdaşlıq mütəxəssis hazırlığına, ədliyyə sahəsində düzgün kadr seçiminə öz töhfəsini verəcək.

Sonda tələbələrin sualları cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.