REGİONLAR


Naxçıvan Muxtar Respublikası Atletika Federasiyasının idmançısı ölkə çempionu olub

Naxçıvan, 17 iyun, AZƏRTAC

Naxçıvan Muxtar Respublikası Atletika Federasiyasının idmançısı Miryusif Seyidov Azərbaycan Dövlət Bədən Tərbiyəsi və İdman Akademiyasının stadionunda 2006-2007-ci il təvəllüdlü yeniyetmələr arasında keçirilən atletika üzrə Azərbaycan birinciliyinin qalibi olub.

Muxtar respublika Gənclər və İdman Nazirliyinin mətbuat xidmətindən AZƏRTAC-ın Naxçıvan bürosuna bildirilib ki, yarışda 8 komandanın heyətində 100-dən çox atlet birincilik uğrunda mübarizə aparıb. Çempionatda atletlər 100, 200, 400, 800, 1500 və 3000 metr məsafələrə qaçış, 4x100 metr məsafəyə estafet qaçışı, uzunluğa, hündürlüyə və üçtəkanla tullanma, eləcə də nüvəitələmə, lövhəatma, nizəatma yarışlarında qüvvələrini sınayıblar.

1500 metr məsafədə bürünc medal əldə edən Miryusif Seyidov 3000 metrdə bütün rəqiblərini geridə qoyub. Finiş xəttinə 11 dəqiqə 3,78 saniyə ərzində çatan Miryusif bu göstərici ilə qızıl medal qazanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.