REGİONLAR


“Naxçıvan” Universitetinin tələbələri istehsalat təcrübəsinə başlayıblar

Naxçıvan, 13 noyabr, AZƏRTAC

“Naxçıvan” Universitetində İqtisadiyyat və İdarəetmə fakültələrinin əyani şöbəsinin IV kurs tələbələrinin 2019-2020-ci tədris ilinin payız semestrində keçəcəkləri istehsalat təcrübəsinə həsr edilmiş başlanğıc konfransı olub.

Universitetin mətbuat xidmətindən AZƏRTAC-ın Naxçıvan bürosuna bildirilib ki, konfransda çıxış edən ali təhsil ocağının prorektoru, iqtisad üzrə fəlsəfə doktoru Hüseyn Bağırsoylu istehsalat təcrübəsinin əhəmiyyətindən və təcrübə qaydalarından danışaraq tələbələrə uğurlar arzulayıb.

Konfransda İdarəetmə fakültəsinin dekanı Naim Cahidzadənin, İqtisadiyyat fakültəsinin dekan müavini Vaqif Hüseynovun növbəti istehsalat təcrübəsinin keçirilməsinə dair çıxışları dinlənilib. Qeyd olunub ki, “Naxçıvan” Universitetinin 93 tələbəsi Mərkəzi Bankın Naxçıvan Muxtar Respublikası İdarəsində, Maliyyə və İqtisadiyyat nazirliklərində, Turizm Departamentində, Dövlət Miqrasiya Xidmətində 7 həftəlik təcrübə keçəcəklər.

Sonda çıxış edən tədris hissə müdiri Anar Abuzərli istehsalat təcrübəsinin keçirilmə qaydaları haqqında məlumat verib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.