REGİONLAR


Naxçıvanda futbol hakimləri üçün seminara start verilib

Naxçıvan, 19 sentyabr, AZƏRTAC

Naxçıvan Futbol Federasiyası Hakimlər Komitəsində yer alan hakim və hakim köməkçiləri üçün seminarlara start verilib.

AZƏRTAC-ın Naxçıvan bürosu xəbər verir ki, Azərbaycan Futbol Federasiyaları Assosiasiyası (AFFA), Naxçıvan Muxtar Respublikası Gənclər və İdman Nazirliyi və Futbol Federasiyasının birgə təşkil etdiyi seminar iki gün davam edəcək.

AFFA Hakimlər Komitəsinin üzvləri Anar Salmanov və Ceyhun Haşımovun rəhbərlik etdiyi seminarda 10 hakim iştirak edir.

Seminarda nəzəri və təcrübi biliklərin çatdırılması üçün müxtəlif üslublardan yararlanan hakimlərə “Oyun qaydaları”ndakı son dəyişikliklərlə bağlı məlumat verilib, onlar müxtəlif ölkələrin çempionat oyunlarından hazırlanmış videoları izləyib, müzakirələr aparıblar. Eyni zamanda, oyunlarda rast gəlinmiş maraqlı situasiyalar və hakim qərarları Naxçıvan Muxtar Respublika Stadionunun inzibati binasında müzakirə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.