REGİONLAR


Naxçıvanın turizm könüllüləri loqosunun təqdimatı olub

Naxçıvan, 9 may, AZƏRTAC

Naxçıvan Muxtar Respublikasının Turizm Departamenti və Naxçıvan Muxtar Respublikası Gənclər Fondunun birgə təşkilatçılığı ilə Naxçıvanın turizm könüllüləri loqosunun təqdimatı keçirilib.

AZƏRTAC-ın Naxçıvan bürosu xəbər verir ki, tədbirdə çıxış edən Naxçıvan Muxtar Respublikasının Gənclər Fondunun icraçı direktoru Cəbi Quliyev dövlətin gənclər siyasətindən ətraflı bəhs edib.

Naxçıvan Muxtar Respublikasının Turizm Departamentinin direktoru Əkbər Novruzov bildirib ki, Naxçıvan Muxtar Respublikası Ali Məclisi Sədrinin diqqət və qayğısı ilə muxtar respublikada həyata keçirilən uğurlu sosial-iqtisadi islahatlar turizmi inkişaf edən sektora çevirib. Son illər qədim diyarın tarixi-mədəni irsinin tanıdılması, tarixi və mədəni abidələrin bərpa olunması, müalicə mərkəzlərinin yenidən qurulması, yeni hotel və istirahət mərkəzlərinin tikilməsi, ən ucqar yaşayış məntəqələrində müasir standartlara uyğun istirahət, ticarət, xidmət və səhiyyə ocaqlarının istifadəyə verilməsi, avtomobil yollarının yenilənməsi turizmin inkişafına təkan verib, muxtar respublikaya gələn turistlərin sayını ilbəil artırıb.

Qeyd olunub ki, muxtar respublikada turizm sektorunun peşə və ixtisas səviyyəsi yüksək olan kadrlarla təminatı da diqqətdə saxlanılıb. Belə ki, Naxçıvan Dövlət və “Naxçıvan” universitetlərində Turizm işinin təşkili ixtisasları üzrə kadr hazırlığı aparılır. Naxçıvan Muxtar Respublikası Ali Məclisi Sədrinin müvafiq Sərəncamına əsasən, sözügedən ixtisasda təhsil alan tələbələr Turizm Departamentinə hamiliyə verilib. Tədris ili ərzində bu istiqamətdə tədbirlərin keçirilməsi diqqətdə saxlanılıb. Həmçinin bu ixtisas üzrə təhsil alan tələbələrin iştirakı ilə “Turizm könüllüsü” layihəsinə start verilib.

Sonra Naxçıvan Muxtar Respublikası Turizm Departamentinin Turizmin inkişafı və təbliği sektorunun aparıcı məsləhətçisi Orxan Cəfərov könüllülərə muxtar respublikanın turizm könüllüləri loqosunu təqdim edərək loqonun üzərindəki simvollar barədə məlumat verib.

Sonda muxtar respublikanın turizm potensialını əks etdirən videoçarxa baxış olub, layihəyə yeni qoşulan turizm könüllüləri ilə könüllülük müqaviləsi bağlanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.