MƏDƏNİYYƏT


Nazir Anar Kərimov Özbəkistan Respublikasının Baş nazirinin müavini ilə görüşüb

Bakı, 23 may, AZƏRTAC

Mədəniyyət naziri Anar Kərimov mayın 23-də Özbəkistan Respublikasının Baş nazirinin müavini, turizm və idman naziri Aziz Abduxakimov ilə görüşüb.

Nazirlikdən AZƏRTAC-a bildirilib ki, görüşdə iki ölkə arasında mədəniyyət sahəsi üzrə əməkdaşlığın mövcud vəziyyəti və perspektivlərinə dair fikir mübadiləsi aparılıb, birgə layihələrin həyata keçirilməsi imkanları müzakirə edilib.

Nazir Anar Kərimov 2022-ci ildə hər iki ölkənin musiqi kollektivlərinin qarşılıqlı olaraq Azərbaycan və Özbəkistanda təşkil olunan festivallarda iştirakını xüsusi olaraq vurğulayıb. 12-14 may tarixlərində Şuşada keçirilən V “Xarıbülbül” Beynəlxalq Folklor Festivalında Özbəkistanın “Baxor” Dövlət Rəqs Ansamblının çıxışlarını yüksək qiymətləndirən Anar Kərimov yaradıcı kollektivin bu sənət bayramında fəal iştirakına görə təşəkkürünü bildirib.

Səmimi qəbula və xoş sözlərə görə nazirə minnətdarlıq edən Aziz Abduxakimov bildirib ki, iki ölkə arasında həm beynəlxalq təşkilatlar, həm də ikitərəfli əlaqələrin mövcudluğu birgə əməkdaşlığın daha da genişləndirilməsinə imkan verir. Aziz Abduxakimov Şuşa şəhərinin 2023-cü ildə “Türk Dünyasının Mədəniyyət Paytaxtı” elan edilməsi ilə əlaqədar həyata keçiriləcək tədbirlərdə Özbəkistanın birgə əməkdaşlığa hazır olduğunu bildirib.

Görüş mədəniyyət və incəsənətin müxtəlif sahələrində əlaqələrin genişləndirilməsi, qarşılıqlı mədəniyyət günləri və təcrübə mübadiləsinin həyata keçirilməsi, eləcə də mədəni irsə dair bir sıra layihələrin təşkili məsələləri müzakirəsi ilə davam edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.