İQTİSADİYYAT


Nazir Ramin Quluzadə İran səfirinə Ermənistanın təcavüzkar siyasətindən danışıb

Bakı, 23 oktyabr, AZƏRTAC 

Nəqliyyat, Rabitə və Yüksək Texnologiyalar naziri Ramin Quluzadə İran İslam Respublikasının ölkəmizdəki səfiri Seyid Abbas Musəviyə Ermənistanın təcavüzkar siyasəti barədə məlumat verib.

Nazirlikdən AZƏRTAC-a bildirilib ki, görüşdə ölkəmizdə diplomatik fəaliyyətə başlaması münasibətilə səfiri təbrik edən nazir ona fəaliyyətində uğurlar arzulayıb.

Görüş zamanı R.Quluzadə oktyabrın 22-də Zəngilan rayonunun Ağbənd qəsəbəsi və Ağbənd sərhəd zastavasının işğaldan azad edilməsi ilə Azərbaycan və İran dövlət sərhədinin tam nəzarətə götürülməsini diqqətə çatdırıb. Bu münasibətlə İran dövlətini və xalqını təbrik edib. Öz növbəsində səfir də Azərbaycan xalqına təbriklərini çatdırıb.

Nazir, həmçinin səfirə Ermənistanın ölkəmizə qarşı son hərbi təxribatları, təcavüzkar siyasəti, mülki əhaliyə və mülki obyektlərə raket zərbələri endirərək törətdiyi hərbi və müharibə cinayətləri barədə məlumat verib.

Görüşdə iki ölkə arasında nəqliyyat, İKT və poçt sahələrində əməkdaşlığın hazırkı vəziyyəti və inkişaf perspektivlərinə dair fikir mübadiləsi aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.