İQTİSADİYYAT


Nazir: Son 10 ildə Azərbaycanda elektrik enerjisinin istehsalı 18 faiz artıb

Bakı, 19 oktyabr, AZƏRTAC

Son 10 ildə ölkədə elektrik enerjisinin istehsalında 18 faiz artıma nail olunub.

AZƏRTAC xəbər verir ki, bu sözləri Energetika naziri Pərviz Şahbazov oktyabrın 19-da jurnalistlərə müsahibəsində deyib.

Nazir qeyd edib ki, Prezident İlham Əliyev energetika sahəsinə böyük qayğı göstərir. Nəticə etibarı ilə bu sahədə daim köklü dəyişikliklər baş verir: “Son 10 il ərzində Azərbaycanda elektrik enerjisinin istehsalının 18 faiz artması bunun bariz nümunəsidir. Hətta respublikamız bu sahədə elektrik enerjisinin ixracatçısına çevrilib. Ötən 10 il ərzində ixracda 78 faiz artım olub. Ölkədə enerji sahəsində itkilər 22,6 faizdən 10,5 faizə enib. Bu ilin 9 ayında elektrik enerjisinin istehsalı ötən ilin müvafiq dövrü ilə müqayisədə 4,9 faiz artıb. Növbəti illərə isə 8-10 faiz artım gözlənilir”.

P. Şahbazov vurğulayıb ki, dövlət başçısının tapşırığına əsasən Energetika Nazirliyi tərəfindən bütün energetika sahəsini əhatə edəcək inkişaf strategiyası işlənilir. Həmçinin bərpaolunan enerji sahəsində müvafiq təkliflər hazırlanır. Bundan başqa, enerji sisteminə özəl investisiyaların cəlbi, sistemin daha da inkişaf etdirilməsi, onun müasir metodologiyalar ilə idarə olunması üzrə də müvafiq işlər görülür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.