DÜNYA


Nazir: Türkiyədə zəlzələ bölgəsində 30 nəfər axtarılır, 18 nəfər ölüb

Ankara, 25 yanvar, AZƏRTAC

Türkiyənin Elazığ bölgəsində baş verən dağıdıcı zəlzələ ilə bağlı axtarış-xilasetmə işləri davam edir. Malatyada dağıntılar altında qalan yoxdur. Elazığda isə 30 nəfər axtarılır.

AZƏRTAC xəbər verir ki, bu barədə Daxili İşlər naziri Süleyman Soylu məlumat verib. Nazirin sözlərinə görə, təbii fəlakət bölgəsinə çox sayda ağır texnika cəlb olunub. Bu vaxtadək 18 nəfərin öldüyü təsdiqlənib. Yaralılar xəstəxanalara yerləşdirilib. Ətraf bölgələrdən qan gətirildiyi bildirilir.

Türkiyənin Fövqəladə Halların İdarə Olunması Agentliyi (AFAD) bölgəyə zəruri səyyar xidmət obyektləri, ləvazimat və avadanlıq daşımaqdadır.

Qeyd edək ki, hazırda 3 nazir təbii fəlakət bölgəsindədir. Ərazidə yeddi günlük fasiləsiz axtarış-xilasetmə işləri elan olunub.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.