İQTİSADİYYAT


Nazirlik: Qeydiyyata alınmış vergiödəyicilərinin sayı artıb

Bakı, 13 fevral, AZƏRTAC

Cari ilin yanvarında qeydiyyatdan keçmiş vergiödəyicilərinin sayı 9 min 829 (1122 hüquqi şəxs, 8 min 707 fiziki şəxs) olub, bu da ötən ilin müvafiq dövrünə nisbətən 31,1 faiz çoxdur.

Vergilər Nazirliyinin Media və kommunikasiya mərkəzindən AZƏRTAC-a verilən məlumata görə, qeydiyyatdan keçmiş vergiödəyicilərinin 48,9 faizi regionların payına düşüb. Bununla da, bu il fevralın 1-nə vergi orqanlarında qeydiyyatda olan ödəyicilərin ümumi sayı 979 min 330-a çatıb. Həmçinin ay ərzində 1083 kommersiya hüquqi şəxsin 63,7 faizi, 8 min 707 fiziki şəxsin isə 3,3 faizi qeydiyyatdan elektron qaydada keçib.

Yanvarda qeydiyyatdan keçmiş təsərrüfat subyektlərinin (obyektlərinin) sayı 4 min 332 olub ki, bu da ötən ilin müvafiq dövrünə nisbətən 2 dəfə çoxdur. Nəzarət kassa aparatlarının (NKA) sayı 2 min 293, POS-terminalların sayı isə 890 olub, bu da ötən ilin ilk ayı ilə müqayisədə müvafiq olaraq 82,7 faiz və 26,8 faiz çoxdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.