İDMAN


Nazirlik, komitə və agentliklərin əməkdaşları arasında keçirilən stolüstü tennis turnirinə yekun vurulub VİDEO

Bakı, 8 dekabr, AZƏRTAC

Dekabrın 8-də Gənclər və İdman Nazirliyinin dəstəyi, Azərbaycan Stolüstü Tennis Federasiyasının təşkilatçılığı ilə “Şüa” İdman-Sağlamlıq Kompleksində nazirlik, komitə və agentliklərin əməkdaşları arasında stolüstü tennis turniri təşkil edilib.

AZƏRTAC xəbər verir ki, şəxsi xarakter daşıyan yarışda 93 kişi və 7 qadın tennisçi qüvvəsini sınayıb.

Federasiyanın vitse-prezidenti Fazil Məmmədov yarışın açılış mərasimində çıxış edərək turnirin təşkilində əsas məqsədin stolüstü tennisin təbliği, əməkdaşların sağlamlığının möhkəmləndirilməsi, asudə vaxtlarının səmərəli təşkili olduğunu deyib. Federasiya rəhbərliyinin ölkəmizdə stolüstü tennisin inkişafı üçün maddi-texniki bazanın gücləndirilməsinə xüsusi diqqət yetirdiyini vurğulayan F.Məmmədov bu istiqamətdə görülən işlərdən danışıb. Stolüstü tennisçilərimizin beynəlxalq arenada qazandıqları nailiyyətlərdən danışan F.Məmmədov deyib: “Bu ilin ən böyük uğuru gənclər arasında Avropa çempionatında qızlardan ibarət yığmamızın komanda hesabında qızıl medal qazanması olub. Eyni zamanda, Ninq Cinq şəxsi yarışda birinci yeri tutub. Bu, Azərbaycanın stolüstü tennis tarixində ən böyük qələbədir”.

Sonra yarışlara start verilib.

Turnirdə qadınların yarışında Firəngiz İbadova (İqtisadiyyat Nazirliyi), Günel Xanlarova (Dövlət Gömrük Komitəsi), Aysel Ağayeva (Təhsil Nazirliyi) və Səmiyyə Babazadə (Ekologiya və Təbii Sərvətlər Nazirliyi) müvafiq olaraq fəxri kürsüdə yer alıblar. Kişilərin mübarizəsində isə Vüqar İbrahimov, Tofiq Rzayev, Əmrah Cavadov (Fövqəladə Hallar Nazirliyi) və Elşən Pənahov (Vergilər Nazirliyi) qalib adını qazanıblar.

Qaliblər federasiyanın diplom və mükafatları ilə təltif olunublar.

Turnirdə AZƏRTAC-ın əməkdaşları da iştirak ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.