CƏMİYYƏT


Nə qədər ki, Azərbaycan dövləti, xalqı var, Ümummilli Liderin ideyaları həmişə yaşayacaq

Bakı, 10 may, Ramiz Quliyev, AZƏRTAC 

Nə qədər ki, Azərbaycan dövləti, xalqı var, Ümummilli Liderin ideyaları həmişə yaşayacaq.

Bu sözləri AZƏRTAC–a müsahibəsində ulu öndər Heydər Əliyevin anadan olmasının 96-cı ildönümü münasibətilə mayın 10-da Fəxri xiyabanı ziyarətə gələn 36 saylı Xətai dördüncü Dairə Seçki Komissiyasının sədri Tofiq Xəlilov deyib.

Onun sözlərinə görə, Ümummilli Liderin Azərbaycana rəhbərlik etdiyi dövrlərdə respublikada çox böyük dəyişikliklər baş verdi. O, böyük dövlət xadimi, siyasətçi olmaqla Azərbaycanın tərəqqisi və inkişafı üçün ölçüyəgəlməz işlər gördü: “Nə qədər ki, Azərbaycan dövləti, xalqı var, Ulu Öndərin ideyaları həmişə yaşayacaq. Biz onun ideyaları ilə daim bəhrələnmişik. İndi də dahi rəhbərin layiqli davamçısı, Prezident İlham Əliyev bu siyasəti uğurla davam etdirir, xalqımız da dövlət başçısının siyasətini dəstəkləyir”.

T.Xəlilov Prezident İlham Əliyevin rəhbərliyi ilə respublikamızın daha da çiçəklənəcəyinə və işğal altında olan torpaqlarımızın tezliklə qaytarılacağına əminliyini ifadə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.