DÜNYA


Neapol mafiyasından bəhs edən filmin çəkiliş qrupunun mühafizəsi gücləndirilib

Bakı, 13 fevral, AZƏRTAC

Berlin kinofestivalının təşkilatçıları Neapol mafiyası barədə çəkilmiş “Neapol piraniləri” filminin premyerası zamanı təhlükəsizlik tədbirlərini gücləndiriblər.

AZƏRTAC Interfax informasiya agentliyinə istinadla xəbər verir ki, görülən tədbirlər çərçivəsində çəkiliş qrupunun mətbuat konfransında mühafizəçilərin sayı artırılıb, festivala aparan yolboyu isə bir neçə əlavə polis avtomobili növbə çəkir.

Təhlükəsizlik tədbirləri mafiyanın filmin ssenari müəllifi, yazıçı və jurnalist Roberto Savyano barəsində ölüm hökmü çıxarması ilə bağlıdır. Savyano İtaliya Daxili İşlər Nazirliyi tərəfindən mühafizə altına alınıb.

Françesko Di Napoli, Artyom Tkaçuk, Viviana Aprea, Paskuale Marotta və başqalarının rol aldığı “Neapol piraniləri” filmində neopolitan yeniyetmələrinin cinayətkar aləmin kralları olmaq üçün cəmiyyətin aşağı qatlarından özlərinə yol açmalarından bəhs edilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.