MƏDƏNİYYƏT


“Nəfəs” filmi beynəlxalq festivalda nümayiş olunacaq

Bakı, 13 oktyabr, AZƏRTAC

“Nəfəs” qısametrajlı Azərbaycan filmi İspaniyanın FİCMA beynəlxalq film festivalında nümayiş olunacaq.

AZƏRTAC xəbər verir ki, noyabrın 2-dən 10-dək davam edəcək FİCMA (Festival İnternational de Cine del Medio Ambiente - Beynəlxalq Ekoloji Film Festivalı) bu il 24-cü dəfə keçiriləcək.

“Nəfəs”in rejissorları Elnur Rzayev və Əli Mahmudludur. Film “FOCUS - Global view” bölməsində nümayiş olunacaq. Ekran əsəri şair Ramiz Rövşənin “Nəfəs” şeirlər kitabı əsasında çəkilib.

Xatırladaq ki, film bu il Mədəniyyət və Turizm Nazirliyinin təşkilatçılığı ilə keçirilən Azərbaycan ikinci buktreyler festivalında ilk dəfə yayımlanıb və birinci yerə layiq görülüb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.