İQTİSADİYYAT


Neft Fondu noyabrda “Şahdəniz” kondensatının satışından gəlir əldə edilməməsinə aydınlıq gətirib

Bakı, 2 dekabr, AZƏRTAC

Azərbaycan Respublikası Dövlət Neft Fondu (ARDNF) noyabr ayında “Şahdəniz” yatağı üzrə təbii qaz və kondensat satışından gəlir əldə edilməməsinə aydınlıq gətirib.

AZƏRTAC-ın sorğusuna cavab olaraq ARDNF-in İctimaiyyətlə əlaqələr departamentindən bildirilib ki, “Şahdəniz” yatağı üzrə kondensatın satışı ayda bir dəfə baş verir və satışdan əldə olunan vəsaitlər yalnız növbəti 30 iş günü bitdikdən sonra Neft Fonduna daxil olur. Oktyabr ayı üzrə kondensatın satışı həmin ayın sonuna təsadüf etdiyindən və bu satışdan əldə olunan vəsaitlərin dekabr ayının əvvəllərində ARDNF-ə daxil olması səbəbindən “Şahdəniz” qaz yatağı üzrə noyabr ayı ərzində vəsaitlər dəyişilməyib və ötən ayla eyni qalıb.

Qeyd edək ki, ARDNF yanvar-noyabr aylarında “Şahdəniz” yatağı üzrə təbii qaz və kondensat satışından 276 milyon dollar, o cümlədən “Şahdəniz” kondensatının satışından 205 milyon dollar qazanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.