İQTİSADİYYAT


Neft qiymətləri son 8 ayın maksimumuna yüksəlib

Bakı, 25 noyabr, AZƏRTAC

Birjalarda neft qiymətləri tələbatla bağlı optimist gözləntilər fonunda 8 ayın ən yüksək səviyyəsinə çatıb.

AZƏRTAC xəbər verir ki, hazırda neft qiymətləri COVID-19-a qarşı peyvəndin hazırlanması ilə bağlı inkişafların qlobal enerji tələbatının bərpasına dəstək olacağına dair artan nikbin gözləntilər fonunda bahalaşmaqda davam edir.

“Bank of America”ya görə, “Brent” markalı xam neftin qiyməti səyahət məhdudiyyətlərinin ləğvi ilə 2021-ci ilin yayında 60 dollar/barrelədək yüksələ bilər.

Neft qiymətləri bu ay təqribən dörddəbir səviyyəsində artıb. Virusa qarşı peyvəndlə bağlı inkişaflar və “OPEC+” koalisiyasının neft istehsalının artırılması planını təxirə salacağına dair gözləntilər “qara qızıl”ın qiymətlərini yuxarı istiqamətli dəstəkləyən əsas amillərdəndir.

Hazırda “Brent” neftinin bir barreli Londonun ICE birjasında 48,15 dollara, “Light” neftinin bir barreli isə Nyu-Yorkun NYMEX birjasında 45,16 dollara satılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.