REGİONLAR


Neftçalada meyvə bağlarından 1879 tondan çox məhsul tədarük olunub

Neftçala, 14 dekabr, Mahir Babayev, AZƏRTAC

Neftçalada təsərrüfatın digər sahələri ilə yanaşı, bağçılığın inkişafına da xüsusi diqqət yetirilir. Dövlətin aqrar sektorun inkişafı ilə bağlı məhsul istehsalçılarına göstərdiyi hərtərəfli dəstəkdən yararlanan bağbanlar ötən ilə rayonda mövcud olan 591,7 hektar meyvə bağından 1849 ton meyvə tədarük ediblər. Bağbanlar cari ildə də meyvə sahələrindən bol məhsul götürmək üçün ağaclara nümunəvi qulluq göstərib, məhsuldarlığı aşağı olan ağaclar yeni tinglərlə əvəzlənib. Bunun nəticəsində də bu il bağlarda məhsul bol olub.

Rayon stastika idarəsinin rəisi Şahin Mənəfov AZƏRTAC-ın bölgə müxbirinə bildirib ki, artıq neftçalalı bağbanlar yetişdirdikləri məhsulun yığımını başa çatdırıblar. Bağbanlar indiyədək ağaclardan 1879,8 ton meyvə yığılıblar ki, bu da ötən ilin müvafiq dövrü ilə müqayisədə 30,8 ton və ya 1,7 faiz çoxdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.