“Neftçi” - “Aris” matçına start verilib

Bakı, 28 iyul, AZƏRTAC

UEFA Konfrans Liqasının ikinci təsnifat mərhələsinin cavab oyunları çərçivəsində keçirilən “Neftçi” (Bakı) - “Aris” (Kipr) oyunu başlayıb.

AZƏRTAC xəbər verir ki, Bakıdakı “Bakcell Arena”da keçirilən oyunda “Neftçi”nin start heyətində İvan Brkiç, Mamadu Mbodj, Solomon Kvirkveliya, Kenni Sayef, Voislav Stankoviç, Emin Mahmudov, Qodsvey Donyo, Eddi İsrafilov, Azər Salahlı, Ataa Caber və Yusuf Laval yer alıblar.

Kipr təmsilçisinin heyətində isə meydana Vana, Kaju, Leo Benqtsson, Morqan Braun, Delmiro Evora Naskimento, Artur Yannik Qomis, Stiv Yaqo, Mixlali Mayambela, Martin Sloqar, Frants Brorsson və Yulius Syoke çıxıblar.

Matçı almaniyalı baş hakim Bastian Dankert idarə edir.

Qeyd edək ki, Kiprdə keçirilən ilk oyunda Bakı klubu 0:2 hesabı ilə məğlub olub.