İDMAN


“Neftçi” klubu UEFA-nın reytinq cədvəlində irəliləyib

Bakı, 15 iyul, AZƏRTAC

“Neftçi” klubların UEFA reytinqində irəliləyib.

AZƏRTAC xəbər verir ki, buna Çempionlar Liqasının birinci təsnifat mərhələsinin nəticələri səbəb olub. Tbilisi “Dinamo”suna hər iki oyunda 2:1 hesabı ilə qalib gələn Bakı klubu əmsalını 7,000-yə çatdırıb. Bu, Bakı təmsilçisini Avropanın 151-cisi adına şərik edib.

Bakı klubu HİK (Finlandiya), “Şturm” (Avstriya), “Riqa” (Latviya), “Buduçnost” (Monteneqro), “Zrinski” (Bosniya və Herseqovina) və “Sürix” (İsveçrə) ilə 151-157-ci yerləri bölüşür. “Dinamo” ilə görüşədək 168-ci olan Samir Abasovun yetirmələri 17 pilləlik sıçrayışa nail olublar.

Qeyd edək ki, digər Azərbaycan klublarının mövqeyi dəyişməyib. “Qarabağ” (17,500) 77-ci, “Keşlə” (4,000) 254-cü, “Qəbələ” (3,500) 290-cı, “Sumqayıt”, “Səbail” və “Zirə” (hamısı 2,525) 337-ci sırada qərarlaşıblar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.