İQTİSADİYYAT


Neftin qiyməti son 13 ayın minimumuna enib

Bakı, 24 noyabr, AZƏRTAC

Neftin qiyməti son 13 ayın minimumuna geriləyib.

AZƏRTAC xəbər verir ki, “Brent” markalı xam neftin bir barrelinin qiyməti ötən ilin oktyabrından indiyədək ən aşağı səviyyəyə düşüb. “Light” markalı neftin qiyməti də son 13 ayın minimumuna geriləyib.

Hazırda “Brent”in bir barreli Londonun ICE birjasında 58,80 dollara, “Light” neftinin bir barreli isə Nyu-Yorkun NYMEX birjasında 50,42 dollara alıcı axtarır.

Ekspertlərin fikrincə, hazırda bazarda tədarük bolluğu davam edir və bu da qiymətin ucuzlaşmasına səbəb olur. Əgər Neft İxrac Edən Ölkələr Təşkilatına (OPEC) üzv ölkələr və Rusiya başda olmaqla digər qeyri-OPEC hasilatçılar dekabrda keçiriləcək toplantıda istehsalı yetərli səviyyədə azaltmasalar bazarda artan tədarük nəticəsində “qara qızıl”ın qiyməti daha da geriləyə bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.