DÜNYA


Nepalda ötən sutka COVID-19 səbəbindən ölüm sayında antirekord qeydə alınıb

Pekin, 30 aprel, AZƏRTAC

Nepalda ötən sutka COVID-19 virusuna 4928 yoluxma, virus səbəbindən 35 ölüm qeydə alınıb. Bu, pandemiya dövründə ölkədə COVID-19 səbəbindən gündəlik ən yüksək ölüm göstəricisidir.

AZƏRTAC xəbər verir ki, pandemiyanın 2-ci dalğasının müşahidə olunduğu Nepalda apreldə virusa sutkalıq yoluxma halları sürətlə çoxalıb, son həftədə isə 2 dəfə artıb.

Nepalın Səhiyyə və Əhali Nazirliyi yeni dalğanın daha təhlükəli və ölümcül olduğunu, əvvəlki dalğa ilə müqayisədə xəstəliyi ağır keçirənlərin say nisbətinin çoxaldığını bildirib. Virusun yayılmasını nəzarət altına almaq üçün paytaxt Katmandu və ətrafında 2 həftəlik qapanma elan edilib.

Qeyd edək ki, Nepalda indiyədək koronavirusa 317 min 500 yoluxma, 3246 ölüm qeydə alınıb.

 

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.