Nəqliyyat layihələrinin inkişaf perspektivləri müzakirə olunub

Bakı, 26 may, AZƏRTAC

Azərbaycan Banklar Assosiasiyası (ABA) nəzdində fəaliyyət göstərən “Ödəniş sistemləri və rəqəmsal bankçılıq üzrə Ekspert Qrupu”nun növbəti iclası keçirilib.

ABA-dan AZƏRTAC-a bildirilib ki, iclasda beynəlxalq kart təşkilatları tərəfindən təqdim olunan xidmətlər üzrə tariflər və ölkədə nəqliyyat layihələrinin gələcək inkişaf perspektivləri müzakirə olunub.

Qeyd edək ki, Azərbaycan Banklar Assosiasiyası 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 26 bank və 5 qeyri-bank təşkilatı ABA-nın üzvüdür.