ELM VƏ TƏHSİL


Nəriman Nərimanov haqqında afişa bərpa edilib

Bakı, 16 aprel, AZƏRTAC

Azərbaycan Milli Elmlər Akademiyası Milli Azərbaycan Tarixi Muzeyinin hədiyyələr və xatirə əşyaları fondunda 1917-ci il fevralın 7-nə aid Nəriman Nərimanovun “Xalq evinin vəzifə və məqsədi” mövzusunda oxuyacağı mühazirə haqqında afişa mühafizə olunur.

Muzeydən AZƏRTAC-a bildirilib ki, eksponat bərpa laboratoriyasına daxil olarkən 4 hissəyə qatlanmış, qat kəsən hissələri cırılıb itmişdi. Kənarları boyunca itkilər kağızın əzilməsinə səbəb olmuşdu. Arxa vərəqində yapışdırıcı lentdən istifadə edilmişdi.

Afişa muzeyin bərpa laboratoriyasının bərpaçı-rəssamı Rəvanə Abbasova tərəfindən bərpa edilib. Onun mühafizə edilməsi üçün xüsusi qovluq hazırlanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.