CƏMİYYƏT


Nərimanov rayonunda "Mən Azərbaycanam 2" fotomüsabiqəsinin qalibləri mükafatlandırılıb

Bakı, 17 iyun, AZƏRTAC

Nərimanov Rayon Gənclər və İdman İdarəsi və "GUYS" İctimai Birliyinin birgə təşkilatçılığı ilə keçirilən "Mən Azərbaycanam 2" fotomüsabiqəsinin qalibləri mükafatlandırılıb.

İdarədən AZƏRTAC-a bildiriblər ki, iştirakçılar mobil telefon və ya fotoaparat vasitəsi ilə çəkdikləri və ölkəmizin mədəniyyətini, adət-ənənəsini, tarixini, bir sözlə, bütün həyatını əks etdirən ən yaxşı 3 şəkil göndərməklə müsabiqədə iştirak etmək imkanını əldə ediblər.

Müsabiqəyə, ümumilikdə 200 nəfərin çəkdiyi 500 şəkil təqdim edilib. Yekun nəticələrə görə, Vətən müharibəsi şəhidi Elgüc Quliyevin bacısı Aysel Quliyeva birinci yerə layiq görülüb. Xəyal Vəliyev ikinci, İsmayıl Mürsəlov üçüncü yerləri tutublar.

Qalib və mükafatçılar Nərimanov Rayon Gənclər və İdman İdarəsi tərəfindən müvafiq dərəcəli diplom, medal və hədiyyələrlə təltif olunublar.

Müsabiqənin keçirilməsində əsas məqsəd Azərbaycanın təkrarsız təbiətini, çoxəsrlik mədəniyyətini, tarixini nümayiş etdirmək və gənclərə vətənpərvərlik hisslərini aşılamaqdan ibarətdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.