CƏMİYYƏT


Nəsimi rayonunda Vətən müharibəsi şəhidinin xatirəsi anılıb

Bakı, 29 iyul, AZƏRTAC

Nəsimi rayonunda Vətən müharibəsi şəhidi Həsənov Faiq Hüseyn oğlunun doğum günündə əziz xatirəsi yad olunub.

AZƏRTAC xəbər verir ki, Nəsimi Rayon İcra Hakimiyyətinin başçısı, Yeni Azərbaycan Partiyası (YAP) Nəsimi rayon təşkilatının sədri və kollektivi, rayonun idarə və təşkilatlarının rəhbərləri, şəhidin döyüş yoldaşları və ictimaiyyət nümayəndələri Faiq Həsənovun məzarını ziyarət edib, önünə əklil qoyub, ruhuna dualar oxuyublar.

Çıxış edənlər Müzəffər Ali Baş Komandan, Prezident İlham Əliyevin rəhbərliyi ilə Silahlı Qüvvələrimizin 44 günlük Vətən müharibəsində əldə etdiyi tarixi Zəfərdən danışıblar. Vətən müharibəsində qəhrəmancasına döyüşmüş, Azərbaycanın ərazi bütövlüyü uğrunda canlarını fəda etmiş bütün şəhidlərimizi dərin ehtiramla yad edildiyi, onların əziz xatirələrinin daim uca tutulduğu diqqətə çatdırılıb.

Şəhidin ailə üzvləri onlara göstərilən diqqət və qayğıya görə Prezident İlham Əliyevə və Birinci vitse-prezident Mehriban Əliyevaya təşəkkürlərini bildiriblər.

Qeyd edək ki, Vətən müharibəsinin ilk günlərindən könüllü olaraq döyüşlərə qatılan Faiq Həsənov Cəbrayıl və Füzulinin rayonlarının azadlığı uğrunda gedən döyüşlərdə fəal iştirak edib. O, 2020-ci il oktyabrın 5-də Füzuli uğrunda gedən döyüşlər zamanı şücaət göstərərək qəhrəmancasına şəhid olub. Prezident İlham Əliyevin müvafiq sərəncamlarına əsasən, Həsənov Faiq Hüseyn oğlu ölümündən sonra “Vətən uğrunda” və “Cəbrayılın azad olunmasına görə” medalları ilə təltif edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.