İQTİSADİYYAT


Nəzarət tədbirləri üzrə auditor hesabatları müzakirə olunub

Bakı, 18 yanvar, AZƏRTAC

Azərbaycan Respublikası Hesablama Palatasının yanvarın 18-dəki kollegiya iclasında həyata keçirilmiş bir sıra nəzarət tədbirləri üzrə auditor hesabatları və cari məsələ müzakirə edilib.

Palatanın mətbuat xidmətindən AZƏRTAC-a bildirib ki, auditor hesabatları dövlət büdcəsindən Bakı Şəhər İcra Hakimiyyətinin Yaşıllaşdırma Təsərrüfatı Birliyinə ayrılan vəsaitlərin proqnozlaşdırılması və icrasına, Şəmkir Rayon Mərkəzi Xəstəxanasına ayrılan büdcə vəsaitlərinin icrasına, cari məsələ isə 20 Yanvar - Ümumxalq Hüzn Günü ilə əlaqədar anım tədbirinə aid olub.

İclasda hər bir nəzarət tədbiri üzrə auditor hesabatları barədə müvafiq qərarlar qəbul olunub. Nəzarət tədbirlərinin nəticələri üzrə qərarların icrasını təmin etmək, aidiyyəti qurumlara kollegiya qərarının göndərilməsi və Milli Məclisə müvafiq məlumatın təqdim olunması qərara alınıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.