QAN YADDAŞI


Niderland portalı 20 Yanvar faciəsindən yazıb

Rotterdam, 20 yanvar, AZƏRTAC

Niderlandın “haber.nl” portalında “Azərbaycan 20 Yanvar şəhidlərinin xatirəsini anmağa hazırlaşır” adlı məqalə dərc olunub.

AZƏRTAC xəbər verir ki, məqalədə xalqımızın azadlıq mübarizəsi tarixinə qəhrəmanlıq səhifəsi kimi daxil olmuş 20 Yanvar faciəsi haqqında məlumat verilib. 20 Yanvar faciəsinin Azərbaycan xalqına qarşı cinayət olduğu yazılıb. 1990-cı il yanvarın 20-də xalqının azadlığını, şərəf və ləyaqətini hər şeydən uca tutan Vətən oğullarının canlarından keçərək şəhidlik zirvəsinə ucaldığı qeyd edilib. Sovet ordusunun gecə dinc insanlara hücum etdiyi, şəhəri qana boyadığı bildirilib.

Qeyd olunub ki, Azərbaycan xalqı qəhrəman övladlarının fədakarlığını həmişə yüksək qiymətləndirir, müstəqilliyə və azadlığa qovuşmaq üçün canlarından keçən övladları ilə fəxr edir.

20 Yanvar faciəsinin xalqımızın yaddaşında dərin iz buraxdığı deyilib. Məqalə Beynəlxalq Qadınlar Klubunun sədri Kəmalə Ceylinova və Avropa Azərbaycanlılar Media Qrupunun rəhbəri Emil Əliyev tərəfindən yazılıb.

Şəhla Ağalarova

AZƏRTAC-ın xüsusi müxbiri

Rotterdam 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.