QAN YADDAŞI


Niderlandda fəaliyyət göstərən Azərbaycan-Türk Mədəniyyət Dərnəyi Xocalı soyqırımının ildönümü ilə əlaqədar aksiya keçirib

Bakı, 26 fevral, AZƏRTAC

Niderlandda fəaliyyət göstərən Azərbaycan-Türk Mədəniyyət Dərnəyi Xocalı soyqırımının 28-ci ildönümü ilə əlaqədar Ermənistanın bu ölkədəki səfirliyinin qarısında etiraz aksiyası keçirib.

AZƏRTAC xəbər verir ki, Azərbaycan və türk diaspor təşkilatlarının nümayəndələrinin iştirakı ilə keçirilən aksiyada Xocalıya ədalət tələb olunub. Aksiya iştirakçıları Xocalıda ermənilər tərəfindən törədilmiş amansız qətliamı pisləyiblər. Onlar erməni vəhşiliyinə etiraz olaraq müxtəlif dillərdə “Xocalıya ədalət!”, “Qarabağ Azərbaycandır!”, “Ermənilər, Qarabağdan rədd olun!” və digər şüarlar səsləndirib, plakatlar nümayiş etdirib, sonda səfirliyə petisiya təqdim ediblər.

Mitinqdə bildirilib ki, haqq-ədalət mütləq öz yerini tapacaq və Xocalı soyqırımını törədənlər bir gün cəzalandırılacaqlar, ermənilər işğal etdikləri torpaqları gec-tez tərk edəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.