DÜNYA


Niderlandda nümayişçilərlə polis arasında qarşıdurma yaranıb VİDEO

Amsterdam, 25 yanvar, AZƏRTAC

Niderlandın bir çox şəhərlərində sanitar məhdudiyyətlərə qarşı etiraz nümayişləri keçirilib.

AZƏRTAC xəbər verir ki, hökumətin sanitar məhdudiyyətlər çərçivəsində komendant saatı tətbiq etməsi narazılıq doğurub. Nümayişçilərlə polis arasında qarşıdurma yaranıb. İlkin məlumata əsasən, 30-a qədər nümayişçi saxlanılıb, yaralılar haqqında dəqiq məlumat yoxdur.

Urk şəhərində COVID-19 test mərkəzi yandırılıb. Eindhoven şəhərində yüzlərlə nümayişçini dağıtmaq üçün polis gözyaşardıcı qazdan istifadə edib. Küçələrdəki avtomobillər yandırılıb. Mağazalar qarət edilib, vağzalın şüşələri sındırılıb.

Qeyd edək ki, Niderlandda yanvarın 23-dən fevralın 9-dək yerli vaxtla axşam saat 21:00-dən səhər saat 04:30-dək komendant saatı tətbiq olunub. Bu, İkinci Dünya müharibəsindən sonra ölkədə tətbiq edilən ilk komendant saatıdır.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.