MƏDƏNİYYƏT


Nigeriyada azərbaycanlı sənətçilərin iştirak ilə canlı konsert proqramı təqdim olunub VİDEO

Bakı, 15 avqust, AZƏRTAC

Nigeriyanın tanınmış sopranosu Ranti, istedadlı azərbaycanlı sənətçilər Vüsalə Yusif (fortepiano), Şəbnəm Şıxəliyevanın (kanon) müşayiət və solo ifaları ilə rasizm və müharibəyə qarşı #bizsülhüdəstəkləyirik şüarı altında “Musiqi körpüsü” adlı canlı konsert proqramı təqdim edilib.

AZƏRTAC xəbər verir ki, konsert Nigeriyada fəaliyyət göstərən Azərbaycanın Dostları Təşkilatının təşəbbüsü və dəstəyi ilə həyata keçirilib.

Təşkilatın rəhbəri Nigeriyada yaşayan soydaşımız Billurə Bayramova–Bernard konsert zamanı Azərbaycanın dahi bəstəkarları Tofiq Quliyev, Rauf Hacıyev, Oqtay Kazımi, Nigeriya bəstəkarları və dünya bəstəkarlarının əsərlərinə müraciət edildiyini bildirib: “Əsas məqsədimiz musiqi, mədəniyyət vasitəsilə dünyaya sülh mesajı vermək və sülhün, bərabərliyin, humanizmin bəşəriyyət üçün önəmli olduğunu çatdırmaqdan ibarətdir”.

Konsert canlı olaraq Azərbaycan Respublikasının Diasporla İş üzrə Dövlət Komitəsinin və “Azeri Home Chef”in “Facebook” səhifələri üzərindən yayımlanıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.