İDMAN


Nihad Məmmədli: XV Avropa Gənclər Yay Olimpiya Festivalında qızıl medal qazanmaq istəyirdim

Bakı, 22 iyul, AZƏRTAC

XV Avropa Gənclər Yay Olimpiya Festivalında qızıl medal qazanmaq istəyirdim. Lakin dörddəbir finalda gürcüstanlı Romeo Beridze ilə görüşdə səhvə yol verdim. Gürcüstanlı güləşçi qarşılaşma zamanı etdiyim kiçik səhvdən yararlandı. Nəticədə məğlub oldum və finala çıxa bilmədim. Rəqibin həlledici mərhələyə qədər irəliləməsi nəticəsində bürünc medal uğrunda mübarizə aparmaq şansı əldə etdim. Nəticə məni qane etməsə də, turniri üçüncü pillədə başa vurdum.

AZƏRTAC xəbər verir ki, bu sözləri turnirdə yunan-Roma güləşi üzrə 55 kiloqram çəki dərəcəsində bürünc medal qazanan təmsilçimiz Nihad Məmmədli deyib.

Güləşçimiz gürcüstanlı rəqibi ilə əvvəllər də qarşılaşdığını və hətta bir neçə dəfə ona qalib gəldiyini də diqqətə çatdırıb. O, etdiyi səhvlər üzərində işləyəcəyini və qarşıdan gələn dünya çempionatında bu məğlubiyyətin revanşını alacağını vurğulayıb.

Qeyd edək ki, Nihad Məmmədli bürünc medal uğrunda görüşdə türkiyəli Ateş Bekirə qalib gəlib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.