İQTİSADİYYAT


Nino Çikovani: Azərbaycan ilə Gürcüstan arasında iqtisadi münasibətlər çox yüksək səviyyədədir

Tbilisi, 15 noyabr, AZƏRTAC 

Azərbaycan ilə Gürcüstan arasında iqtisadi münasibətlər çox yüksək səviyyədədir. Bizim Azərbaycan-Gürcüstan-Türkiyə üçtərəfli formatında da çox yaxşı əməkdaşlığımız var. Bu format bizə bir sıra vacib layihələri gerçəkləşdirməyə imkan verdi.

AZƏRTAC xəbər verir ki, bu sözləri jurnalistlərə müsahibəsində Gürcüstanın Ticarət və Sənaye Palatasının prezidenti Nino Çikovani söyləyib. Onun sözlərinə görə, yaxın vaxtlarda Azərbaycan-Gürcüstan regional biznes forumu keçirilə bilər. Noyabrın 20-də keçirilməsi nəzərdə tutulan forumun paytaxt Tbilisidə deyil, Gürcüstanın bölgələrinin birində keçirilməsi planlaşdırılıb.

N.Çikovani, eyni zamanda, Azərbaycan, Gürcüstan və Türkiyə iş adamlarının biznes forumunun da keçirilməsinin nəzərdə tutulduğunu vurğulayıb. “Bu cür tədbirlər bizim əməkdaşlığımızı, dostluğumuzu, iqtisadiyyatımızı daha da möhkəmləndirir”, - deyə N.Çikovani vurğulayıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.