MƏDƏNİYYƏT


Niyazinin mənzil-muzeyində “Açıq qapı” günü təşkil olunacaq

Bakı, 17 avqust, AZƏRTAC

Avqustun 20-də Azərbaycan Musiqi Mədəniyyəti Dövlət Muzeyinin filialı olan Niyazinin mənzil-muzeyində görkəmli dirijor və bəstəkar, SSRİ Xalq artisti, Sosialist Əməyi Qəhrəmanı, Azərbaycan və SSRİ Dövlət mükafatları, C.Nehru adına beynəlxalq mükafat laureatı Niyazinin xatirəsinə həsr edilən tədbir keçiriləcək.

Muzeyin direktoru, Əməkdar mədəniyyət işçisi Rza Bayramov AZƏRTAC-a bildirib ki, tədbirdə Niyazinin həyat və yaradıcılığı haqqında çıxışlar dinləniləcək, tanınmış insanlar maestro ilə bağlı xatirələrini bölüşəcək, muzeyin arxiv materialları əsasında hazırlanmış slayd-şou, Niyazinin dirijorluğu ilə konsertlərdən videofraqmentlər nümayiş etdiriləcək. Həmçinin avqustun 20-si muzeydə “Açıq qapı” günü olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.