SİYASƏT


Nizami Gəncəvi Beynəlxalq Mərkəzinin nümayəndə heyəti Şanxay Əməkdaşlıq Təşkilatının baş katibi ilə görüşüb

Bakı, 14 sentyabr, AZƏRTAC

Nizami Gəncəvi Beynəlxalq Mərkəzinin nümayəndə heyəti Şanxay Əməkdaşlıq Təşkilatının baş katibi Raşid Alimovla görüşüb.

Nizami Gəncəvi Beynəlxalq Mərkəzindən AZƏRTAC-a bildiriblər ki, görüşdə baş katibə Mərkəzin genişmiqyaslı fəaliyyəti, dünyada sülhün və təhlükəsizliyin təmin olunmasına xidmət edən layihələri barədə ətraflı məlumat təqdim olunub.

Raşid Alimov Nizami Gəncəvi Beynəlxalq Mərkəzinin mədəniyyətlərarası dialoqa töhfə vermək cəhdlərini yüksək qiymətləndirib. O, Mərkəzin fəaliyyətini izlədiyini diqqətə çatdırıb.

Bundan başqa, Çinin Xarici Əlaqələr İnstitutunda keçirilən görüşdə əməkdaşlığın perspektivləri barədə müzakirələr aparılıb. ABŞ-ın Nyu-York şəhərində keçirilməsi planlaşdırılan növbəti ali səviyyəli toplantı və 2019-cu ildə Çində keçiriləcək tədbirlə əlaqədar məsələlər ətrafında fikir mübadiləsi olub. Mərkəzin üzvləri - Xorvatiyanın sabiq Prezidenti İvo Yosipoviç, Bosniya və Herseqovinanın Baş nazirinin müavini, xarici işlər naziri Zlatko Laqumciya, Albaniyanın sabiq Prezidenti Buyar Nişani, Qırğızıstanın sabiq Baş naziri Comart Otorbayev II Tayxe Beynəlxalq Sivilizasiya Forumunda da iştirak ediblər. Foruma dünyanın tanınmış ictimai xadimləri, siyasət və dövlət adamları qatılıblar. Şanxay Əməkdaşlıq Təşkilatının baş katibi Raşid Alimov forumda çıxış edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.