CƏMİYYƏT


Nizami rayonunda “Abad məhəllə”də şahmat yarışı keçirilib

Bakı, 3 may, AZƏRTAC

Bakı Şəhər Gənclər və İdman Baş İdarəsi (BŞGİBİ) və paytaxt rayonlarının Gənclər və İdman idarələri tərəfindən ulu öndər Heydər Əliyevin anadan olmasının 96-cı ildönümünə həsr edilmiş “Abad məhəllə” layihəsi çərçivəsində uşaq və yeniyetmələr arasında mini futbol və şahmat yarışları təşkil olunur.

BŞGİBİ-dən AZƏRTAC-a bildiriblər ki, Nizami rayonunun Q.Qarayev-71 ünvanında şahmat üzrə rayon turniri oğlanlar və qızlar arasında olimpiya sistemi üzrə şəxsi növdə keçirilib.

Turnirdə 30 şahmatçı qüvvəsini sınayıb. Oğlanlar arasında Ülvi Bayramov, Taleh Hüseynov, Nicat Məmmədov, qızlar arasında isə Ləman Nağıyeva, Mehin Tabai və Leyla Bədirli ilk üç yeri tutublar.

Qaliblərə Nizami rayon Gənclər və İdman İdarəsi tərəfindən diplom və medallar təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.