CƏMİYYƏT


Nizami rayonunda vətəndaşların bank hesablarından pul oğurlayan keçmiş məhkumlar saxlanılıblar

Bakı, 27 iyun, AZƏRTAC

İyunun 10-da Nizami Rayon Polis İdarəsinin 24-cü polis şöbəsinə Saatlı rayon sakini M.Babayevanın bank hesabından 390 manat pulunun oğurlanması barədə müraciət daxil olub.

Daxili İşlər Nazirliyinin mətbuat xidmətindən AZƏRTAC-a bildiriblər ki, polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən paytaxt sakini, əvvəllər məhkum olunmuş A.Səmədov müəyyən edilərək saxlanılıb.

İyunun 22-də isə elə həmin polis şöbəsinə Bakı şəhər sakini A.Cumayevin bank hesabından 800 manat pulunun oğurlanması barədə məlumat daxil olub.

Oğurluğu törətməkdə şübhəli bilinən Bərdə rayon sakini, əvvəllər məhkum olunmuş V.Hüseynov müəyyənləşdirilərək polis əməkdaşlarının keçirdikləri əməliyyat-axtarış tədbirləri nəticəsində yaxalanıb.

Hər iki faktla bağlı araşdırma aparılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.