CƏMİYYƏT


Nizami rayonundakı lombardda vətəndaşa qarşı quldurluq edən şəxs tutulub

Bakı, 5 noyabr, AZƏRTAC

Nizami rayonunda quldurluq edən şəxs tutulub.

Daxili İşlər Nazirliyinin mətbuat xidmətindən AZƏRTAC-a bildiriblər ki, noyabrın 4-də saat 12:45-də Nizami rayonu ərazisindəki lombardların birindən rayon mühafizə idarəsinə həyəcan siqnalı daxil olub. Dərhal hadisə yerinə gələn Nizami Rayon Mühafizə İdarəsinin əməkdaşları orada tapançaya oxşar əşya ilə hədə-qorxu gəlib pul tələb etmiş naməlum şəxsi saxlayaraq 25-ci polis şöbəsinə təhvil verib.

Araşdırmalarla quldurluğu törətməkdə şübhəli bilinən həmin şəxsin paytaxt sakini E.İsgəndərov və əlindəki tapançaya oxşar əşyanın isə alışqan tapança olması müəyyənləşdirilib.

Hadisə ilə bağlı rayon polis idarəsi tərəfindən araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.