REGİONLAR


Nizaminin əsərləri gəncləri Vətənə sevgi, böyüklərə hörmət ruhunda tərbiyə edir

Göyçay, 21 iyun, AZƏRTAC

Dahi şair və mütəfəkkir Nizami Gəncəvinin 880 illiyi ərəfəsində Prezident İlham Əliyevin 2021-ci ili “Nizami Gəncəvi İli” elan etməsi bu böyük dühanın yaradıcılığına verilən yüksək dəyərin təzahürüdür.

AZƏRTAC-ın bölgə müxbiri xəbər verir ki, bu barədə “Nizami Gəncəvi İli” çərçivəsində Göyçaydakı Bayraq muzeyində keçirilən tədbirdə danışılıb.

Ziyalıların, nizamisevərlərin iştirakı ilə təşkil edilən tədbirdəki çıxışlarda Şeyx Nizaminin yalnız Azərbaycan ədəbiyyatında deyil, dünya ədəbiyyatında da müstəsna yeri olan bir mütəfəkkir olduğu vurğulanıb. Qeyd edilib ki, Nizaminin əsərləri gəncləri Vətənə sevgi, böyüklərə hörmət ruhunda tərbiyə edir. Çıxışlarda dahi şairin əsərlərində qoyulan bəşəri problemlərin, yaradılan monumental obrazların bu əsərlərin əbədi yaşayacağına və baş qəhrəmanının amal və arzularının da onu əbədi yaşadacağına zəmanət verdiyi qeyd olunub.

Diqqətə çatdırılıb ki, 2021–ci ilin “Nizami Gəncəvi İli”, işğaldan azad olunan Şuşanın Azərbaycanın mədəniyyət paytaxtı elan edilməsi, ölkə başçısının çıxışlarında milli-mənəvi dəyərlərimizə xüsusi diqqət yetirməsi ümummilli lider Heydər Əliyev siyasətinin uğurlu davamının göstəricisidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.