İQTİSADİYYAT


Nobel və Babək prospektlərini birləşdirən küçələr yenidən qurulur VİDEO

Bakı, 19 sentyabr, AZƏRTAC 

Cari ilin əvvəlindən Xətai rayonu üzrə təmir-tikinti işləri çərçivəsində 14 kilometr uzunluğa malik 7 küçədə təmir-tikinti işləri yekunlaşdırılıb.

Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsindən AZƏRTAC-a bildirilib ki, həmin küçələr bunlardır - Aşıq Ələsgər küçəsi (0,8 kilometr), Mehmandarov küçəsi (3,2 kilometr), Neapol küçəsi (0,8 kilometr), Aşıq Qurban küçəsi (0,9 kilometr), Levanovski küçəsi (1,5 kilometr), Mingəçevir küçəsi (5,8 kilometr), Yavər Əliyev küçəsi (0,7 kilometr). “NZS” qəsəbəsində isə 9 kilometr uzunluğa malik küçədə təmir işləri tamamlanıb. Hazırda “NZS” qəsəbəsinin Süleyman Əhmədov və Oqtay Vəliyev küçələrində təmir işlərinə başlanılıb. Küçələrin ümumi uzunluğu 4,2 kilometr təşkil edir. Sözügedən küçələr “NZS” qəsəbəsinin mərkəzi küçələri olmaqla Nobel və Babək prospektlərini birləşdirir.

Təmir işləri ilə əlaqədar S.Əhmədov və O.Vəliyev küçələri boyu avtonəqliyyat vasitələrinin hərəkəti hissə-hissə, qismən məhdudlaşdırılacaq. Xətai rayonu üzrə digər küçə və yollarda da təmir işlərinin davam etdirilməsi nəzərdə tutulur. Belə ki, yaxın müddət ərzində təqribən 12 kilometr uzunluğa malik daha 11 küçədə təmir-tikinti işlərinə başlanması nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.