RƏSMİ SƏNƏDLƏR
Norveçdə fəaliyyət göstərən “CAN” diaspor təşkilatının sədri Şervin Nəcəfpurdan
Azərbaycan Respublikasının Prezidenti Zati-aliləri cənab İlham Əliyevə
Əziz cənab Prezident.
Sizi 60 illik yubileyiniz münasibətilə səmimi-qəlbdən təbrik edirəm. Siz yorulmaz əməyiniz və uzaqgörən siyasətinizlə hər zaman Azərbaycanımıza beynəlxalq aləmdə böyük uğurlar qazandırırsınız. Siz ümummilli lider Heydər Əliyevin ideyalarını və prinsiplərini həyata keçirərək Azərbaycan dövlətçiliyinin möhkəmləndirilməsini uğurla davam etdirirsiniz. Vaxtilə Ulu Öndər də milyonlarla azərbaycanlının Prezidenti olub. Sizə çox təşəkkür edirik ki, dünya azərbaycanlılarını bir araya gətirdiniz, dəmir yumruğunuzla 44 günlük Vətən müharibəsində xalqımıza tarixi Zəfər qazandırdınız. Dünya azərbaycanlılarının heç vaxt belə güclü birliyi olmamışdı. Bu, məhz Sizin siyasi iradəniz sayəsində oldu.
Hörmətli cənab Prezident, Sizin yorulmaz əməyinizi və əzminizi gördükcə biz qürbət ölkədə uğurlu siyasi kursunuza uyğun olaraq daha böyük ruh yüksəkliyi ilə fəaliyyət göstəririk. İnanıram ki, xaricdə doğulub boya-başa çatan bütün həmvətənlərimiz mənimlə eyni fikirdədirlər. Siz dünya azərbaycanlılarının Lideri olaraq bizim üçün qürur mənbəyisiniz. Hər zaman Sizinlə fəxr edirik. Tanrı Sizi qorusun.
Dərin hörmətlə,
Şervin Nəcəfpur
Norveçdə fəaliyyət göstərən “CAN” diaspor təşkilatının sədri