DÜNYA


Norveçdə milyonerin həyat yoldaşı oğurlanıb

Bakı, 9 yanvar, AZƏRTAC

Naməlum şəxslər norveçli milyonerin həyat yoldaşını oğurlayıblar və onun geri qaytarılması üçün 10,3 milyon dollar kriptovalyuta tələb edirlər.

AZƏRTAC xəbər verir ki, Norveçin Verdens Gang nəşrinin yaydığı məlumata görə, 68 yaşlı qadın oktyabrın 31-də yoxa çıxıb və həmin vaxtdan etibarən onun barəsində heç bir informasiya alınmayıb. Aftenposten qəzeti isə yazır ki, oğrular tələbləri yerinə yetirilməyəcəyi təqdirdə qadına qarşı güc işlədəcəkləri ilə hədələyirlər.

Oğurlanmış qadının əri Tom Xaqenin 200 milyon dollara yaxın varidat sahibi olduğu bildirilir.

Norveç polisi Oslodan 20 kilometr aralıda qadının oğurlandığı barədə informasiyanı təsdiqləyib, lakin onun kim olduğunu açıqlamayıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.