ELM VƏ TƏHSİL


Növbəti “GRE: General Test” imtahanı keçirilib

Bakı, 18 dekabr, AZƏRTAC

Dekabrın 18-də Dövlət İmtahan Mərkəzinin (DİM) Ə.Salamzadə küçəsi, 28 ünvanında yerləşən inzibati binasında növbəti “GRE: General Test” imtahanı keçirilib.

DİM-dən AZƏRTAC-a bildirilib ki, ehtiyat tədbirləri çərçivəsində imtahan binasına daxil olan iştirakçıların məsafədən ölçə bilən elektron termometrlə bədən hərarətləri yoxlanılıb, zəruri dezinfeksiyaedici vasitələrdən istifadə edilib və imtahan otağında iştirakçıların bir-birindən lazımi uzaq məsafədə əyləşdirilməsi təmin olunub.

İmtahanda 7 nəfər iştirak edib. İştirakçılar imtahan nəticələrini ETS-in (Educational Testing Service – Təhsildə Qiymətləndirmə Xidməti) saytında 10-15 gün sonra öyrənə bilərlər.

Xatırladaq ki, hazırda Azərbaycanda pandemiya şəraitində imtahan keçirilməsinə icazə verilən yeganə GRE Test Mərkəzi Dövlət İmtahan Mərkəzidir.

Növbəti GRE imtahanının tarixi haqqında 2021-ci ilin əvvəlində məlumat veriləcək. Qeydiyyatdan keçmək qaydaları haqqında DİM-in saytında ətraflı məlumat əldə etmək mümkündür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.