Bakı, 23 noyabr, AZƏRTAC

F.Köçərli adına Respublika Uşaq Kitabxanasının “Nağıl saatı”nda Bakı şəhəri 164 nömrəli tam orta məktəbin 1-ci sinif şagirdləri ilə uşaq yazarı, ssenarist Günel Əskərova arasında görüş keçirilib.

AZƏRTAC xəbər verir ki, görüşdə gənc yazar Qarabağa həsr etdiyi “Xanın üç qızı” nağılı ətrafında söhbət aparıb. Yazıçı uşaqları nağılın baş qəhrəmanları - xanlığın ədalətli hökmdarı olan müdrik Əhməd xan, onun üç sevimli qızı, döyüşkən Xəzri, zərif və istedadlı Mələk, ağıllı və savadlı Banu, cırtdan Balaş, insanları köləyə çevirən Təpəgöz ilə tanış edib. Sonra Günel Əskərova uşaqların suallarını cavablandırıb.

Sonda yazar məktəbin kitabxanasına “Xanın üç qızı” kitabını hədiyyə edib.