SİYASƏT
Novruz Məmmədov: Azərbaycan Prezidenti Praqa Sammitindəki çıxışı ilə dostluqda, tərəfdaşlıqda nə qədər etibarlı olduğunu bir daha sübut etdi VİDEO
Bakı 29 aprel (AZƏRTAC). Azərbaycan Prezidenti Praqa Sammitindəki çıxışı ilə dostluqda, tərəfdaşlıqda nə qədər etibarlı olduğunu bir daha sübut etdi.
AZƏRTAC xəbər verir ki, bu sözləri jurnalistlərə açıqlamasında Azərbaycan Respublikası Prezidenti Administrasiyası rəhbərinin müavini Novruz Məmmədov demişdir.
Novruz Məmmədov Prezident İlham Əliyevin aprelin 24-də Praqa Sammitində Türkiyə ilə bağlı Ermənistan prezidenti Serj Sarkisyana tutarlı cavabından danışarkən bildirmişdir ki, bu, beynəlxalq aləmdə Türkiyə-Azərbaycan əlaqələrinin nə dərəcədə yüksək səviyyədə olmasının daha bir göstəricisidir. Azərbaycan və Türkiyə öz qardaşlığını, əməkdaşlığını və tərəfdaşlığını bundan sonra da bu ruhda davam etdirəcəkdir.