REGİONLAR


Novruz bayramı münasibətilə Füzulidə el şənliyi təşkil olunub

Füzuli, 20 mart, AZƏRTAC

Xalqımızın milli bayramı olan Novruz cəbhə bölgəsində yerləşən Füzuli rayonunda el şənliyi kimi geniş qeyd olunub.

AZƏRTAC-ın bölgə müxbiri xəbər verir ki, bayram tədbirinin keçirildiyi Horadiz şəhərindəki Olimpiya idman kompleksində xonçalar və səmənilər düzülüb, Novruz adətləri, milli xörəklər, şirniyyatlar nümayiş etdirilib.

Dədə Qorqud və Bahar qızının gəlişi ilə başlayan bayram tədbirində Novruz tonqalı qalanıb. Mərasimdə çıxış edən Füzuli Rayon İcra Hakimiyyətinin başçısı Alı Alıyev füzulililəri bayram münasibətilə təbrik edib, onlara cansağlığı, xoşbəxtlik, bol ruzi və əmin-amanlıq arzulayıb.

Bayram şənliyində Uşaq Yaradıcılıq Mərkəzinin şagirdləri rəqs edib, uşaqlar yumurta döyüşdürüblər. İdmançıların çıxışları, Kosa və Keçəlin zarafatları, rayonun musiqiçilərinin rəngarəng konsert proqramı tədbir iştirakçılarının bayram əhval-ruhiyyəsini daha da artırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.