REGİONLAR


Novxanıda baş vermiş yanğın zamanı bir nəfər ölüb

Novxanı, 24 yanvar, AZƏRTAC

Abşeron rayonu Novxanı kəndində bu gün səhər saatlarında ümumi sahəsi 200 kvadratmetr olan ikimərtəbəli evin ikinci mərtəbəsinin yanar konstruksiyaları və dam örtüyü 80 kvadratmetr sahədə yanıb. Hadisə yerinə gələn Sumqayıt yanğınsöndürənləri yanğını söndürüb.

Bu barədə AZƏRTAC-a Fövqəladə Hallar Nazirliyindən bildirilib.

Yanğın yerinə baxış zamanı 1 nəfərin (şəxsiyyəti dəqiqləşdirilir) yanmış meyiti yanğınsöndürənlər tərəfindən aşkar edilərək aidiyyəti üzrə təhvil verilib.

Evin qalan hissəsi yanğından mühafizə olunub.

Hadisə ilə əlaqədar müvafiq qurumlar tərəfindən təhqiqat aparılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.