DÜNYA


Noyabrın 28-dən Gürcüstanda ictimai nəqliyyatın hərəkəti dayandırılacaq

Tbilisi, 26 noyabr, AZƏRTAC

Gürcüstan hökuməti ölkədə koronavirus pandemiyasının qarşısını almaq məqsədilə bir sıra sərtləşdirici tədbirlər görülməsi barədə qərar qəbul edib. Noyabrın 28-dən etibarən Gürcüstanda metro da daxil olmaqla, bütün ictimai nəqliyyatın hərəkəti dayandırılacaq.

AZƏRTAC xəbər verir ki, bu barədə ölkənin Baş naziri Giorgi Qaxaria bildirib.

Baş nazir qeyd edib ki, taksilərin fəaliyyətinə heç bir məhdudiyyət tətbiq olunmayacaq. Eləcə də bayram günlərində ictimai nəqliyyatın hərəkətinə icazə veriləcək. Lakin sonradan qadağalar yenidən tətbiq olunacaq.

Qeyd edək ki, Gürcüstanda noyabrın 28-dən sərt karantin rejimi tətbiq olunacaq və bu rejim 2021-ci il yanvarın 31-dək qüvvədə qalacaq.

Hökumətin digər qərarına əsasən, gələn il yanvarın 3-dən 15-dək bütün ölkə üzrə tətil elan olunacaq.

Tətil dövründə banklar, strateji əhəmiyyətli müəssisə və xidmətlər istisna olmaqla, bütün digər dövlət və özəl müəssisələr fəaliyyət göstərməyəcək.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.