İQTİSADİYYAT


Nur-Sultanda Türkdilli Ölkələrin Ticarət və Sənaye Palatasının Nizamnaməsi imzalanıb

Nur-Sultan, 17 may, AZƏRTAC

Qazaxıstanın paytaxtı Nur-Sultanda keçirilən Astana İqtisadi Forumu çərçivəsində Türkdilli Ölkələrin Ticarət və Sənaye Palatasının Nizamnaməsinin imzalanması mərasimi keçirilib.

AZƏRTAC xəbər verir ki, tədbirdə Türk Şurasının Baş katibi Bağdad Amreyev, Qazaxıstan Respublikası "Atameken" Sahibkarlar Milli Palatasının idarə heyətinin sədri Ablay Mırzaxmetov, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının prezidenti Məmməd Musayev, Qırğızıstan Ticarət və Sənaye Palatasının prezidenti Nurlan Musuralyev və Türkiyə Ticarət və Sənaye Palatası Birliyinin sədri Rifat Hısarcıklıoğlu iştirak ediblər.

Türkdilli Ölkələrin Ticarət və Sənaye Palatasının əsas vəzifəsi türkdilli dövlətlər arasında iqtisadi əməkdaşlığı inkişaf etdirməkdir.

 

İlahə Əhmədova

AZƏRTAC-ın xüsusi müxbiri

Nur-Sultan

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.